Utu Krol Mati Kage Pas Malam Pengantin Baru

Ayo Ketawa! - Ada ini oma yang kaya mar so janda, kong mo suka cari suami ulang.

Lantaran Oma banya harta, Utu Krol cowo pengangguran mo suka pa Oma. Trus Oma trima Utu Krol pe peminangan kong dong 2 langsung kaweng.

Depe malam pertama pengantin baru, tu Oma langsung hela pa Utu Krol maso di kamar, ternyata kote Oma masih ba nafsu skali noh. Kong pasti so tau apa yang terjadi di kamar to? (Adegan Sensor)

Depe besok pagi waktu Oma bangun, Oma liya Utu Krol yang so jadi dpe laki masih tidor sadap. Oma pe dalam hati, "Masih lelah stau dia lantaran tadi malam... hmmm... pe sadap kore..."

Depe siang Oma so mulai curiga, kiapa ni depe laki blum bangun-bangun, trus dia pi priksa pa depe laki, ternyata so nda ba nafas, so mati kote...

Oma langsung manangis, kong ba bataria. Lantaran depe laki mati kong nda dapa tau apa depe penyebab. Trus Oma suruh pa depe orang mo pangge pa dokter for mo priksa akang, kiapa kong ini depe laki mati kage-kage bagini.

Kira-kira stenga jam bagitu, dokter so datang. Dokter langsung priksa pa ni Oma pe suami yang so terkapar kaku. Sekitar 15 menit staw dokter periksa pa Utu Krol. Serta abis priksa dokter ba tanya pa Oma.

"Oma tadi malam, oma ada kase minum apa pa dia?!" Dokter ba tanya. Kong Oma jawab, "Nyanda ada kwa dok, kita nda kase minum apa-apa pa dia dok..."

Dokter trus bilang pa Oma, "Soalnya oma, setelah kita priksa tadi pa dia ini, ternyata Utu Krol mati lantaran dapa minum susu so kadaluarsa..!!"

"ヽ(°〇°)ﾉ!!!!"