Mop Papua : Kita Pasti Pu Kenalan Sendiri-Sendiri

Ayo Ketawa! - Satu hari di pedalaman Papua, Obed yang duduk di kelas 4 Sekolah Dasar to, Ibu Guru Yohana kas belajar soal Sejarah Kemerdekaan RI.

Ibu Guru Yohana mo suka cari tau, kalo Obed ni deng de pu teman-teman su paham deng sejarah kemerdekaan RI.

Bu Guru Yohana : "Anak-anak, kalian su tau to, sejarah dulu-dulu yang su terjadi di bulan Agustus ni?"

Murid-murid : "Ya Bu Guru, Dulu tong pe tete deng nene baku-baku tembak deng Belanda...!!"

Bu Guru Yohana : "Bagus.. Kalian su pintar samua anak-anak, waktu dulu itu di tahun 1945, Indonesia su merdeka... Skarang ko Obed, ko tau tu Jenderal Sudirman?"

Obed : "Tra tau Ibu.."
Bu Guru Yohana : "Kalo Soeharto?"

Obed : "Sa tra tau Bu Guru..."
Bu Guru Yohana : "Ko terlalu banyak bermain sudah, tra pernah belajar sejarah.... Kalo Soekarno ko tau?!"

Obed : "Sa tra kenal juga Ibu.."
Bu Guru Yohana : "Bagaimana ni, ko tra pernah belajar kah..??"

Obed : " Sa blajar Bu.., sekarang sa tanya ibu, kenal Dominggus Pigome kah..?!!"
Bu Guru Yohana : "Tidak..!!"

Obed : "Ibu tau tu Zakharias Kayame..?!!"
Bu Guru Yohana : "Tra tau, memang ko tau mereka siapa ka??"

Obed : "Ya itulah Bu Guru, kita kan pasti pu kenalan sendiri-sendiri, jadi jang paksa sa kenal ibu pu kenalan juga to.."

Bu Guru Yohana : "o(iДi) o??!??!"